नेपाली शेयर न्यूज । डिप्रोक्स लघुवित्त वित्तीय संस्था लिमिटेडले शेयरधनीहरूका लागि १५ प्रतिशत लाभांश वितरण गर्ने निर्णय गरेको छ। मंसिर २५ गते बिहान ८ः३० बजे बसेको सञ्चालक समितिको बैठकले आर्थिक वर्षको वितरणयोग्य मुनाफाबाट १० प्रतिशत बोनस शेयर र ५ प्रतिशत नगद लाभांश (करसहित) दिने प्रस्ताव पारित गरेको हो।
कम्पनी सचिव ज्ञानेन्द्रप्रसाद अर्यालका अनुसार उक्त लाभांश प्रस्ताव नेपाल राष्ट्र बैंकले स्वीकृत गरेपछि र कम्पनीको वार्षिक साधारणसभाले अनुमोदन गरेपछि लागू हुनेछ। त्यसपछि मात्रै लाभांश सम्बन्धित शेयरधनीहरूको खातामा वितरण गरिनेछ।
