नेपाली शेयर न्यूज । पाँच वटा लघुवित्त वित्तीय संस्थाले गत आर्थिक वर्षको मुनाफाबाट शेयरधनीलाई दिने लाभांश घोषणा गरेका छन्। कालिका, महुली, मिथिला, स्वरोजगार र ग्लोबल आइएमई लघुवित्तले बोनस शेयर तथा नगद लाभांश प्रस्ताव गरेका हुन्।
कालिका लघुवित्त वित्तीय संस्था
कालिका लघुवित्त वित्तीय संस्था लिमिटेडको पुस ४ गते बसेको सञ्चालक समितिको बैठकले हाल कायम चुक्ता पूँजीको १० प्रतिशत बोनस शेयर र ०.५२६३ प्रतिशत नगद लाभांश (कर प्रयोजनार्थ) गरी कुल १०.५२६३ प्रतिशत लाभांश प्रस्ताव गरेको छ। प्रस्तावित लाभांश नेपाल राष्ट्र बैंकबाट स्वीकृत भई कम्पनीको आगामी वार्षिक साधारणसभाले पारित गरेपछि शेयरधनीमा वितरण हुनेछ।
महुली लघुवित्त वित्तीय संस्था
महुली लघुवित्त वित्तीय संस्था लिमिटेडले पुस ४ गते बसेको सञ्चालक समितिको बैठकबाट कुल ५ प्रतिशत लाभांश घोषणा गरेको छ। कम्पनीले असार मसान्तसम्म कायम चुक्ता पूँजीको ४.७५ प्रतिशत बोनस शेयर र ०.२५ प्रतिशत नगद लाभांश (कर प्रयोजनार्थ) वितरण गर्ने प्रस्ताव गरेको हो। यो लाभांश पनि नेपाल राष्ट्र बैंकको स्वीकृति तथा वार्षिक साधारणसभाबाट पारित भएपछि शेयरधनीलाई वितरण गरिनेछ।
मिथिला लघुवित्त वित्तीय संस्था
मिथिला लघुवित्त वित्तीय संस्था लिमिटेडले पुस ४ गते बसेको सञ्चालक समितिको बैठकबाट शेयरधनीलाई कुल १५ प्रतिशत लाभांश दिने निर्णय गरेको छ। जसअनुसार कम्पनीले १४.२५ प्रतिशत बोनस शेयर र ०.७५ प्रतिशत नगद लाभांश (कर प्रयोजनार्थ) वितरण गर्नेछ। घोषित लाभांश नेपाल राष्ट्र बैंकको स्वीकृति र कम्पनीको साधारणसभाबाट पारित भएपछि कार्यान्वयनमा आउनेछ।
स्वरोजगार लघुवित्त वित्तीय संस्था
स्वरोजगार लघुवित्त वित्तीय संस्था लिमिटेडले पनि पुस ४ गते बसेको सञ्चालक समितिको बैठकमार्फत कुल १५ प्रतिशत लाभांश प्रस्ताव गरेको छ। कम्पनीले हाल कायम चुक्ता पूँजीको १४.२५ प्रतिशत बोनस शेयर र ०.७५ प्रतिशत नगद लाभांश (कर प्रयोजनार्थ) वितरण गर्ने निर्णय गरेको हो। यो प्रस्ताव नेपाल राष्ट्र बैंकको स्वीकृति र साधारणसभाबाट पारित भएपछि शेयरधनीमा वितरण हुनेछ।
ग्लोबल आइएमई लघुवित्त वित्तीय संस्था
ग्लोबल आइएमई लघुवित्त वित्तीय संस्था लिमिटेडको पुस ४ गते बसेको सञ्चालक समितिको बैठकले कुल ५ प्रतिशत लाभांश घोषणा गरेको छ। बैठकले असार मसान्तसम्म कायम चुक्ता पूँजीको ४.७५ प्रतिशत बोनस शेयर र ०.२५ प्रतिशत नगद लाभांश (कर प्रयोजनार्थ) वितरण गर्ने प्रस्ताव गरेको हो। उक्त प्रस्ताव नेपाल राष्ट्र बैंकबाट स्वीकृत भई कम्पनीको आगामी वार्षिक साधारणसभाले पारित गरेपछि शेयरधनीमा वितरण हुनेछ।
