नेपाली शेयर न्यूज । समता घरेलु लघुवित्त वित्तीय संस्थाले आर्थिक वर्ष २०८१/८२ का लागि सेयरधनीलाई ५.२६३२ प्रतिशत लाभांश वितरण गर्ने प्रस्ताव गरेको छ । संस्थाको सञ्चालक समितिको बैठकले हाल कायम चुक्तापुँजी ६२ करोड ९० लाख ५१ हजार ५६४ रुपैयाँको आधारमा उक्त लाभांश वितरण गर्ने निर्णय गरेको हो । प्रस्तावअनुसार सेयरधनीलाई ५ प्रतिशत बोनस सेयर तथा कर प्रयोजनार्थ ०.२६३२ प्रतिशत नगद लाभांश प्रदान गरिनेछ ।
उक्त लाभांश नेपाल राष्ट्र बैंकको स्वीकृति तथा आगामी वार्षिक साधारणसभाबाट अनुमोदन भएपछि मात्र सेयरधनीलाई वितरण गरिने समता घरेलु लघुवित्तले जनाएको छ । संस्थाले पछिल्लो समय वित्तीय सूचकहरूमा सुधार गर्दै सेयरधनीलाई प्रतिफल प्रदान गर्ने रणनीतिलाई निरन्तरता दिएको जनाएको छ ।
