नेपाली शेयर न्यूज । साताको अन्तिम कारोबार दिन बिहीबार सेयर बजारमा नेप्से परिसूचक १०.६६ अंक घटेर २६१५ अंकमा झरेको छ। अघिल्लो दिन नेप्से २६२५ अंकमा थियो। आज बजार दिनभर रातो रह्यो तर कुल कारोबार रकम ४ अर्ब ५७ करोड पुगेको छ, जुन अघिल्लो दिनको ४ अर्ब ५ करोडभन्दा बढी हो।
समूहगत प्रदर्शन:
फाइनान्स समूह सबैभन्दा बढी १.५५% घट्यो।
होटल तथा पर्यटन समूह स्थिर रह्यो।
निर्जीवन बीमा, व्यापार, बैंकिङ, विकास बैंक, हाइड्रोपावर, लगानी, जीवन बीमा, उत्पादन तथा प्रशोधन, माइक्रोफाइनान्स र अन्य समूहमा सामान्य उतार-चढाव देखियो। आज स्वस्तिक लघुवित्त र एसवाई प्यानलको मूल्य १० प्रतिशतले बढेको छ। सिन्धु विकास बैंक, सीवाईसी लघुवित्त र सप्तकोशी विकास बैंकका शेयरमा पनि मूल्य वृद्धि देखियो।
सबैभन्दा धेरै मूल्य घटेको कम्पनी बाराही हाइड्रोपावर भएको छ। अन्य घटेका कम्पनीहरूमा गुहेश्वरी मर्चेन्ट फाइनान्स र मोदी इनर्जी छन्। आज धेरै कारोबार भएका कम्पनीहरूमा बाराही हाइड्रोपावर, राधि विद्युत्, बुटवल पावर, ङादी ग्रुप र सप्तकोशी विकास बैंक छन्।
