Nepali Share News l
सुपर खुदी हाइड्रोपावर लिमिटेडले आगामी फागुन ४ गतेदेखि सर्वसाधारणका लागि साधारण शेयर (IPO) निष्काशन गर्ने भएको छ। आयोजना प्रभावित स्थानीय र वैदेशिक रोजगारीमा रहेका नेपालीहरूका लागि शेयर बाँडफाँट गरिसकेपछि कम्पनीले दोस्रो चरणमा सर्वसाधारणका लागि खोलेको हो।
निष्काशन सम्बन्धी मुख्य विवरण:
- कित्ता: कुल १२ लाख ८६ हजार ५०० कित्ता (कर्मचारीलाई छुट्याएर बाँकी)।
- मूल्य: प्रतिशेयर १०० रुपैयाँ।
- आवेदन सीमा: न्यूनतम १० कित्ता र अधिकतम १ लाख कित्ता।
- समयसीमा: छिटोमा फागुन १० गते र ढिलोमा फागुन १९ गतेसम्म।
- बिक्री प्रबन्धक: ग्लोबल आइएमई क्यापिटल लिमिटेड।
आयोजना र वित्तीय अवस्था:
- क्षमता: २६ मेगावाट (माथिल्लो खुदी जलविद्युत आयोजना)।
- कुल लागत: ५ अर्ब ३८ करोड ४ लाख ११ हजार रुपैयाँ।
- रेटिङ: केयर एनपी 'डबल बी' (CareNP BB), जसले मध्यम जोखिम बुझाउँछ।
- लगानी फिर्ता हुने अवधि: ७.२१ वर्ष (साधारण)।
इच्छुक लगानीकर्ताले सि-आस्बा (C-ASBA) प्रणाली मार्फत आफ्नै बैंक खाताबाट आवेदन दिन सक्नेछन्।
