नेपाली शेयर न्यूज । सेयर लगानीकर्ता दिपेन्द्र अग्रवाल प्रिमियम शेयर निष्काशन गर्दा ‘पुरानै खेलको दोहोरिने’ भन्दै बजार दीर्घकालीन रूपमा कमजोर बन्ने बताउँछन् । करिब एक वर्षदेखि स्थगित रहेको रिलायन्स स्पिनिङ मिल्स लिमिटेडको प्राथमिक सार्वजनिक निष्कासन प्रक्रिया पुनः सुरु भएसँगै अग्रवालले उक्त प्रतिक्रिया दिएका हुन् ।
नेपाल धितोपत्र बोर्ड (सेबोन) ले उच्च अदालत पाटनको परमादेश कार्यान्वयन गर्दै कम्पनीलाई कानुनी प्रावधानअनुसार प्रक्रियालाई अघि बढाउन स्वीकृति दिएको हो । रिलायन्स स्पिनिङ मिल्सले लगभग एक वर्षअघि नै साधारण लगानीकर्ताका लागि प्रति सेयर रु. ८२०.८० को दरमा आईपीओ ल्याउने तयारी गरेको थियो। सो क्रममा संस्थागत लगानीकर्ताले भने प्रति सेयर रु. ९१२ मा लगानी गरिसकेका छन्। तर कानुनी विवादका कारण सर्वसाधारणका लागि जारी गर्ने प्रक्रिया रोकिएको थियो।
अग्रवालले भनेका छन्‘फेरि त्यही प्रिमियममा सुरु भएछ IPO, फेरि त्यही भ्रष्टाचारको खेल मार्केट छिटै मरुभूमि हुने छ। अहिले लोनको पैसाले थेकेको मार्केट लगानीकर्तालाई लोनको भारी मात्र बोकाउने काम भएको छ! IPO मात्र daily circuit लागेर बढ्छ र अरु बाँकी स्क्रिप्टहरूमा लगानीकर्ता धोति न टोपी भइसकेका छन्। अब लगानीकर्ताहरू नाङ्गिन मात्र बाँकी छन्। हेरौं कहिलेसम्म चल्छ यो टोपीको खेल?'
